„სამოქალაქო პლატფორმა- ახალი საქართველოს“ ლიდერები, მთავრობას ულტიმატუმს უყენებენ. როგორც დღეს გამართულ ბრიფინგზე, გურამ ჩალაგაშვილმა და ლევან ხაბეიშვილმა განაცხადეს, ისინი მთავრობას აძლევენ 2 კვირიან ვადას, რათა ხელისუფლებამ გადადგას ქმედითი ნაბიჯები და გამოიყვანოს ქვეყანა ეკონომიკური კრიზისიდან.
„ მივმართავთ ხელისუფლებას და ვაძლევ მათ 2 კვირიან ვადას. გაიწვიონ 10 პუნქტიანი დამანგრეველი გეგმა, წარმოადგინონ ეკონმიკური განვითარების რეალური გეგმა და გადადგეს ქვეყნის ეკონომიკური გუნდი“
„ახალი საქართველოს“ ლიდერების განცხადებით, დღეს ქვეყანა იმყოფება უმძიმეს ეკონომიკურ მდგომარეობაში და საჭიროა უსწრაფესი და ქმედითი ნაბჯების გადადგმა.
„ იმ შემთხვევაში, თუ მიცემულ ვადაში, ხელისუფლება ვერ მოახერხებს შემოგვთავაზოს გამოსავალი შექმნილი ვითარებიდან, ჩვენ დავიწყებთ წინააღმდეგობის მოძრაობის ფორმირებას, რაც გულისხმობს სამთავრობო უწყებების პიკეტირებას, ასევე პერმანენტულ და ფართომასშტაბიან აქციებს.“
გურამ ჩალაგაშვილისა და ლევან ხაბეიშვილის განცხადებით, ისინი მზად არიან ითანამშრომლონ ნებისმიერი პროდასავლური ორიენტაციის მქონდე ოპოზიციურ პარტიებთან, სამოქალაქო სექტორთან და სხვა დაინტერესებულ პირებთან. მათ შორის შესთავაზონ ხელისუფლებას გამოსავალი და საკუთარი ხედვა წარუდგინონ.
