ფრანსუა ოლანდი საფრანგეთის საპრეზიდენტო არჩევნებში მონაწილეობას არ მიიღებს. ამის შესახებ მან სატელევიზიო მიმართვაში განაცხადა.
„მე მამოძრავებს მხოლოდ ქვეყნის ინტერესები. ოთხ წელიწად ნახევრის განმავლობაში მე ჩემს ქვეყანას პატიოსნად ვემსახურე. ახლა კი მივიღე გადაწყვეტილება, აღარ წარვადგინო ჩემი კანდიდატურა საპრეზიდენტო არჩევნებზე“, - განაცხადა ოლანდმა, რომლის რეიტინგიც ბოლო რამდენიმე თვის განმავლობაში კატასტროფულად დაეცა.
საპრეზიდენტო არჩევნები საფრანგეთში მომავალი წლის 27 აპრილს გაიმართება.
