ენერგეტიკის სამინისტრომ 2017 წლის ელექტროენერგიის (სიმძლავრის) ბალანსი დაამტკიცა. როგორც საქართველოს ენერგეტიკის მინისტრის № 89 ბრძანებაშია აღნიშნული, ელექტროენერგიის ბალანსი 2017 წლის 1-ელი იანვრიდან 31 დეკემბრის ჩათვლით პერიოდს მოიცავს. ბრძანებაში აღნიშნულია, რომ ქვეყნის ერთიანი ელექტროენერგეტიკული სისტემის მარეგულირებელ სადგურად მიიჩნევა შემდეგი წარმოების ლიცენზიატები: შპს „ენგურჰესი“; „ვარდნილჰესების კასკადი“.
„ელექტროენერგეტიკული სისტემის მდგრადობის, სტაბილურობისა და საიმედო ფუნქციონირების მიზნით ელექტროენერგიის დისპეტჩერიზაციის ლიცენზიატი უფლებამოსილია, დამოუკიდებლად მიიღოს გადაწყვეტილება ელექტროენერიის (სიმძლავრის) ბალანსით გათვალისწინებული ელექტროენერგიის იმპორტის საერთო მოცულობის ფარგლებში, მომწოდებელი ქვეყნის მიხედვით წყაროების ჩანაცვლების შესახებ», აღნიშნულის კახი კალაძის მიერ ხელმოწერილ ბრძანებულებაში.
