მიხეილ სააკაშვილი პოლიტსაბჭოზე მიღებული გადაწყვეტილებით კმაყოფილია. ყოფილი პრეზიდენტი საგანგებო განცხადებას ავრცელებს.
„მინდა მადლობა გადავუხადო ჩვენი პარტიის ყველა წევრსა და მხარდამჭერს იმისთვის, რომ მათ გააკეთეს ერთადერთი სწორი არჩევანი-მრავალათასიანი, დემოკრატიული და ევროპული ტიპის პარტიისთვის შესაფერისი ყრილობის სასარგებლოდ. ეს ნიშნავს იმას, რომ პარტიის უმრავლესობა ემხრობა ჩართულობის, ერთიანობისა და განახლების იდეას. ეს იდეა უალტერნატივოა მომავალსა და გამარჯვებაზე ორიენტირებული პოლიტიკური ძალისთვის, რომელიც დღეს ჩვენს ქვეყანაში ერთადერთი ორგანიზებული ძალაა ევროატრალნტიკური კურსის დასაცავად,"-აცხადებს სააკაშვილი.
მისივე თქმით, ნაციონალურმა მოძრაობამ სიმწიფე, ერთიანობა და დემოკრატიული პრინციპებისადმი ერთგულება აჩვენა. სააკაშვილი მადლობას უხდის პარტიის ყველა იმ წევრს, რომელიც მას ენდო და პარტიიდან მისი დისტანცირება არ გაუშვა.
პოლიტსაბჭოს გადაწყვეტილებით, შვიდიათასკაციან ყრილობას ნაციონალური მოძრაობა 20 იანვარს ჩაატარებს. ამ დრომდე აზრთა სხვადასხვაობაა პარტიის თავმჯდომარის არჩევის საკითხტან დაკავშირებით. ნაციონალურ მოძრაობის წევრების ნაწილი მიიჩნევს, რომ პარტიას ახალი თავმჯდომარე უნდა ჰყავდეს.მეორე ნაწილისთვის კი მიხეილ სააკაშვილი უალტერნატივო ლიდერია.
