ფიდელ კასტროს ნეშტი თავისუფლების კუნძულს მოივლის. კუბის რევოლუციის ლიდერის ფერფლი სპეციალური ურნით ჰავანის ქუჩებში შემოატარეს. კორტეჟმა კუბის დედაქალაქი უკვე დატოვა. 4 დღის განმავლობაში კომანდანტეს ნეშტთან დამშვიდობების შესაძლებლობა რეგიონების მცხოვრებლებს მიეცემათ. 4 დეკემბერს კი კასტროს მის მშობლიურ ქალაქ სანტიაგოში დაკრძალავენ. კუბის რევოლუციის ლიდერი გასულ კვირას 90 წლის ასაკში გარდაიცვალა.
