პრეზიდენტის პრესსპიკერის, ეკა მიშველაძის განცხადებით, "ოკუპირებული ტერიტორიების შესახებ კანონში" მოსალოდნელ ცვლილებებთან დაკავშირებით კომენტარი ნაადრევია. როგორც ეკა მიშველაძემ დღეს გამართულ ბრიფინგზე შესაბამისი კითხვის საპასუხოდ განაცხადა, პრეზიდენტი საკუთარ შეხედულებას წინადადებების საბოლოო ჩამოყალიბების შემდეგ წარმოადგენს.
"საუბარია ამ კანონის ცვლილებებთან დაკავშირებით. როდესაც ეს კანონპროექტი მიიღებს საბოლოო სახეს და როდესაც ეს წინადადებები საბოლოოდ ჩამოყალიბდება, ამის შემდეგ ჩვენ რა თქმა უნდა, უკვე მოგახსენებთ ჩვენს შეხედულებას და პრეზიდენტი მოგახსენებთ საკუთარ შეხედულებას ამ საკითხთან დაკავირებით. ვინაიდან, ჯერ არ არის საბოლოო სახე, შესაბამისად, ადრეა კომენტარის გაკეთება",- აღნიშნა ეკა მიშველაძემ
