ცნობილი Madame Tussauds-ს 21-ე მუზეუმი სტამბოლში გაიხსნა. ამიერიდან მუზეუმის დათვალიერება და ცნობილი ადამიანების ცვილის ფიგურების ხილვა ყველა დაინტერესებულ ადამიანს შეეძლება.
Madame Tussauds-ს მუზეუმის ბილეთების ღირებულება 38 ლირადან იწყება და 99 ლირამდეა. აღნიშნული ტარიფი განკუთვნილია 13 წელს ზემოთ ადამიანებისათვის, ხოლო ბავშვებისათვის და სტუდენტებისათვის მოქმედებს ფასდაკლების აქცია და მათთვის მუზეუმში შესასვლელი ბილეთის ღირებულება 30 ლირაა.
Madame Tussauds სტამბოლში ერთ-ერთ ყველაზე ცნობილ ტურისტულ ქუჩაზე ისტიკლალზეა განთავსებული.
მუზეუმს 2000 კვ/მ უკავია ის გრანდ პერის შენობაში მდებარეობს.
მსოფლიო დონის პიროვნების ცვილის ფიგურებთან ერთად, სტამბოლის Madame Tussauds-ში თურქეთის ისტორიული თუ თანამედროვე ეპოქის ცნობილი ფიგურებიც იქნება გამოფენილი.
მუზეუმის ადმინისტრაციას ერთი ფიგურის დამზადება საშუალოდ 165 ათასი ლირა დაუჯდა.
