საქართველოს ეროვნული საინვესტიციო სააგენტოს მოწვევით, საქართველოს უნგრული Danubius Hotels Group-ი სტუმრობდა. პირველი ვიზიტის ფარგლებში, რომელიც გაცნობითი ხასიათის იყო, ევროპის ერთ-ერთი უმსხვილესი სასტუმროების ქსელის წარმომადგენლებმა მოინახულეს ისეთი ცნობილი ქართული კურორტები, როგორებიცაა: სულორი, ამაღლება, წყალტუბო და ახტალა. Danubius Hotels Group-ის წევრები, რომლებიც მსოფლიო მასშტაბით არიან ჩართულები სპა და ველნეს ბიზნესის განვითარებაში, საქართველოს “აუთვისებელი შესაძლებლობების” ქვეყანად განიხილავენ.
Danubius Hotels Group-ი 44 სასტუმროს ფლობს და ერთ-ერთი ყველაზე მსხვილი მოთამაშეა სასტუმროების ბიზნესში ევროპაში. 30 წლის წინ დაარსებული ჯგუფის მაღალი დონის სასტუმროები წარმოდგენილია: უნგრეთში, დიდ ბრიტანეთში, ჩეხეთში, სლოვაკეთში და რუმინეთში.
