Apple-მა iPhone შესაძლოა 100 დოლარით გააიაფოს. როგორც ცნობილია ბოლო დროს გარვცელდა არაერთი ინფორმაცია, რომლის მიხედვითაც „ჩაკბეჩილი ვაშლი“ სმარტფონების გაძვირებას აპირებდა.
თუმცა KGI Securities-ი საპირისპიროს ამტკიცებს და განმარტავს, რომ კომპანია iPhone-ის გაიაფებას აპირებს.
KGI Securities-ი განმარტავს, რომ iPhone-ს ღირებულება მომავალი წლიდან 100 დოლარით შემცირდება. საუბარია iPhone-ს აშშ-ს ფასებზე. აქამდე Apple ცდილობდა, რომ iPhone-ს ფასი წლიდან წლამდე შეენარჩუნებინა. ასე მაგალითად iPhone 7-ის ფასი აშშ-ში 649 დოლარიდან, ხოლო iPhone 7 Plus-ის ღირებულება კი - 769 დოლარიდან იწყება.
KGI Securities აზუსტებს, რომ Apple-ს სურვილი გააიაფოს პროდუქცია, გაყიდვების შემცირებით არის ნაკარნახევი.
გავრცელებული ინფორმაციის მიხედვით, მიმდინარე წელს „ჩაკბეჩილი ვაშლის“ ისტორიაში iPhone-ს გაყიდვები პირველად შემცირდა.
