პრემიერობის კანდიდატი, გიორგი კვირიკაშვილი, პარლამენტში გამოსვლისას ქართული ოცნებისა და ბიძინა ივანიშვილის წვლილზე საუბრობს და ამბობს, რომ მმართველი გუნდის მიერ მიღებული საკონსტიტუციო უმრავლესობას ისინი პრივილეგიად არ განიხილავენ.
ამის შესახებ გიორგი კვირიკაშვილმა პარლამენტში სიტყვით გამოსვლისას განაცხადა.
„რაც ჩვენ ქვეყანაში მოხდა, დიდი წვლილი მოუძღვის ქართულ ოცნებას და ბიძინა ივანიშვილს. ჩვენი პოლიტიკური ძალა საკონსტიტუციო უმრავლესობით მოვიდა ხელისუფლებაში, თუმცა ჩვენ ამას არ განვიხილავთ, როგორც პრივილეგიას. ეს არის უდიდესი შესაძლებლობა, ქვეყნისთვის საჭირო სწრაფი და შეუფერხებელი გადაწყვეტილებები მივიღოთ და ეს უდიდესი ვალდებულებებია ჩვენი მოსახლეობის წინაშე,“ - აცხადებ გიორგი კვირიკაშვილი.
პრემიერობის კანდიდატმა დღევანდელ დამტკიცების დროს იმ 4-პუნქტიან გეგმაზე გააკეთა აქცენტი, რომელიც სამთავრობო პროგრამაშია ჩადებული.
კვირიკაშვილი აცხადებს, რომ მისი მთავრობა განათლებას აცხადებს ნომერ პირველ პრიორიტეტად და დღევანდელი დამტკიცების დროს კვირიკაშვილმა დაგეგმილი რეფორმების დეტალებზე ისაუბრა.
პრემიერობის კანდიდატი ინფრასტრუქტურული პროექტების განხორციელებაზე საუბრობს და ამბობს, რომ მთავრობას დეტალურად აქვს გაწერილი ახალი გზების, მაგისტრალების, ხიდებისა და ინფრასტრუქტურების პროექტების მშენებლობისთვის საჭირო რესურსები და დროში გაწერილი გეგმა.
