იმ შემთხვევაში, თუ დადასტურდება, რომ ხანძარს ტყეებში მიზანმიმართულად აჩენენ, ბოროტმოქმედები მკაცრად დაისჯებიან. ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა. ჰაიფას რაიონში გაჩენილმა ხანძარმა ბოლო 24 საათის განმავლობაში ათობით ჰექტარი ფართობი გაანადგურა. ქალაქ ჰაიფაში რამდენიმე საცხოვრებელი სახლი დაიწვა. ინფორმაცია მსხვერპლის შესახებ არ გავრცელებულა. სტიქიური საფრთხის ზონიდან 60 ათასზე მეტი ადამიანის ევაკუაცია განხორციელდა. მეხანძრეებმა ხანძრის ძირითადი კერების ლოკალიზება შეძლეს.
