ევროპისა და ამერიკის საკითხებში დიდი ბრიტანეთის სახელმწიფო მინისტრი საქართველოშია. სერ ალან დუნკანი საქართველოს პრეზიდენტს, პრემიერ მინისტრსა და საგარეო საქმეთა მინისტრის მოვალეობის შემსრულებლებს შეხვდება. საგარეო საქმეთა სამინისტროში „უორდროპის დიალოგის“ პლენარული სესიის გახსნის ცერემონია გაიმართება,რის შემდეგაც მინისტრები ერთობლივ პრესკონფერენციას გამართავენ. სესიებზე საუბარი იქნება პოლიტიკურ,უსაფრთხოებისა და თავდაცვის სფეროში თანამშრომლობის საკითხებზე. ვიზიტის ფარგლებში დუნკანი საოკუპაციო ხაზის მიმდებარე ტერიტორიასაც მოინახულებს. ასევე ილიას სახელმწიფო უნივერსიტეტში წაიკითხავს საჯარო ლექციას.
