უკრაინის სპეცსამსახურების მიერ რუსი სამხედროების დაკავების ფაქტს კრემლის ლიდერი გამოეხმაურა. ვლადიმერ პუტინმა ყირიმის ე.წ. საზღვარზე ჩატარებულ სპეცოპერაციას მავნებლობა უწოდა.
„ისინი შეიტყუეს საზვრიდან რამდენიმე მეტრში და თავს დაესხნენ. ეს ისეთივე მავნებლობაა, როგორიც თავის დროზე ყირიმისთვის ელექტროენერგიის მიწოდების შეწყვეტა იყო. ჩვენ უკრაინელი სამხედროების მიმართ ყოველთვის დიდი პატივისცემით ვიყავით განმსჭვალულნი. სწორედ ამიტომ ავიყვანეთ ისინი რუსეთის არმიის რიგებში,“-აღნიშნა პუტინმა.
ალექსანდრ ბარანოვი და მაქსიმ ოდინცოვი უშიშროების სამსახურმა 20 ნოემბერს დააკავა. მანამდე ისინი უკრაინულ არმიაში მსახურობდნენ, რუსეთის მიერ ყირიმის აგრესიის შემდეგ კი რუსეთის მხარეს გადავიდნენ. უკრაინულმა მხარემ მათ დეზერტირობის ბრალდება უკვე წაუყენა.
