როგორ შეიძლება იმ ხელისუფლებაში თანამდებობის დაკავება, რომელსაც შენ თვითონ ამხელ პოლიტიკური პატიმრების ყოლაში?!, - აცხადებს ტაბულასთან საუბარში, თავისუფალი დემოკრატების წევრი ნინო გოგუაძე ვიქტორ დოლიძის ევროინტეგრაციის მინისტრობის კანდიდატად წარდგენის შესახებ.
“ჩვენ ერთად დავტოვეთ ქართული ოცნება იმიტომ, რომ როდესაც პროკურატურა ხდება პოლიტიკური და მას იყენებ ნებისმიერი ადამიანის წინააღმდეგ, ეს სახელმწიფო აღარ არის სამართლებრივი და დემოკრატიული. 5 უდანაშაულო ადამიანი, რომელიც კაბელების საქმეზე დღესაც არიან ციხეში, ჩვენ მათ ვეძახით პოლიტპატიმრებს. ვიქტორ დოლიძესაც არაერთხელ აღუნიშნავს, რომ ეს ადამიანები არიან პოლიტიკური პატიმრები. აქედან ისმის ერთი კითხვა. როგორ შეიძლება იმ ხელისუფლებაში თანამდებობის დაკავება, რომელსაც შენ თვითონ ამხელ პოლიტიკური პატიმრების ყოლაში?! ”, - განაცხადა გოგუაძემ.
