,,ნაციონალური მოძრაობა“ მთავრობის ახალ შემადგენლობას მხარს არ დაუჭერს. ენმ-ის ერთ-ერთი ლიდერის გიგა ბოკერიას განცხადებით, ახლა ცვლილებები მოსალოდნელი არ არის, რაც საფრთხეს უქმნის ქვეყანას,
„ყველამ კარგად ვიცით ის ინფორმაცია, ვინ მართავს ამ ქვეყანას ან ვინ არის რეალური უფროსი, ბიძინა ივანიშვილს ვგულისხმობ. რაიმე ცვლილებები არ იძლევა საფუძველს იმისას, რომ რაღაც შეიცვლება არსებითად. ამიტომაც, პასუხისმგებლობა აქვს იმ კაცს, ყველა იმ ადამიანს, ვინც ემსახურება ადამიანს მთავრობაში თუ პარლამენტში და ამ თვალსაზრისით სამწუხაროდ, ახლა ცვლილებები მოსალოდნელი არ არის და ეს ძალიან დიდ საფრთხეს უქმნის ჩვენს ქვეყანას, სადაც ისედაც უკვე ოთხი წელია სახიფათო ტენდენციებია,“ - განაცხადა გიგა ბოკერიამ.
მთავრობის ახალ შემადგენლობას გიორგი კვირიკაშვილი 22 ნოემბერს დაასახელებს.
