აჭარაში, სამედიცინო ტურიზმის პირველი საერთაშორისო კონფერენცია ტარდება. კონფერენცია სახელწოდებით „სამედიცინო ტურიზმი: პოლიტიკური, სოციალურ-ეკონომიკური, საგანმანათლებლო და სამედიცინო პრობლემები“ სამხრეთ კავკასიაში სამედიცინო ტურიზმის განვითარების პრობლემებს ეძღვნება. კონფერენეციაზე მთავრობის წარმომადგენლებთან ერთად სიტყვით გამოვიდა აჭარის ტურიზმის დეპარტამენტის თავმჯდომარე მამუკა ბერძენიშვილი, რომელმაც რეგიონში სამედიცინო ტურიზმის განვითარების პერსპექტივებზე ისაუბრა.
„აჭარაში სამედიცინო ტურიზმს განვითარების დიდი პოტენციალი გააჩნია. ამის თქმის საფუძველს რეგიონში საქმიანი ტურიზმისთვის შესაბამისი ინფრასტრუქტურული გარემო და მრავალფეროვანი სამკურნალო-ბალნეოლოგიური რესურსის არსებობა იძლევა. მნიშვნელოვანია, რომ ჩვენ უკვე დავიწყეთ მუშაობა სამკურნალო და ბალნეოლოგიური ცენტრების აღდგენისა და განვითარების კუთხით. მახინჯაურში მოვიზიდეთ ინვესტორი, რომელიც ყოფილი სანატორიუმ „მზიური“-ს ადგილას სანატორიუმის ტიპის სასტუმროს ააშენებს. მომავალში, მსგავსი ტიპის სასტუმრო-ცენტრები აუცილებლად მოიზიდავს კიდევ უფრო მეტ შიდა თუ უცხოელ ტურისტს და ხელს შეუწყობს სამედიცინო ტურიზმის განვითარებას რეგიონში,' განაცხადა აჭარის ტურიზმის დეპარტამენტი თავმჯდომარე მამუკა ბერძენიშვილმა სიტყვით გამოსვლისას.
კონფერენციის მონაწილეები სამი დღის განმავლობაში განიხილავენ და მოისმენენ პრეზენტაციებს ისეთ მნიშვნელოვან საკითებზე, როგორებიცაა სამედიცინო ტურიზმის განვითარების ძირითადი შესაძლებლობები აჭარის რეგიონში, სტომატოლოგიური ტურიზმის განვითარების პერსპექტივები საქართველოში, სამედიცინო ტურიზმი და საქართველო, სამედიცინო განათლების მოდერნიზაცია – სამედიცინო ტურიზმის განვითარების სტრატეგიის პრიორიტეტი, სამედიცინო ტურიზმის სერვისების მიწოდების კონკურენტუნარიანობის უზრუნველყოფის მარკეტინგული მიდგომები და სხვა. ქართველ კოლეგებს თავიანთი ქვეყნის გამოცდილებას გაუზიარებს სამედიცინო უნივერსიტეტების პროფესორები და დარგის სპეციალისტები გერმანიიდან, ამერიკიდან, თურქეთიდან, ყაზახეთიდან, სომხეთიდან და აზერბაიჯანიდან.
სამედიცინო ტურიზმის საერთაშორისო კონფერენცია აჭარაში გრიგოლ რობაქიძის უნივერსიტეტის ორგანიზებით, აჭარის განათლების, კულტურისა და სპორტის სამინისტროს, აჭარის შრომის, ჯანმრთელობისა და სოციალური დაცვის სამინისტროს ორგანიზაციული მხარდაჭერით იმართება. კონფერენცია დღეს გაიხსნა და 20 ნოემბერს
