სომხეთის პრეზიდენტი სამშვიდობო მოლაპარაკების ჩაშლაში ბაქოს ადანაშაულებს. სარგისიანის თქმით, სომხეთი და აზერბაიჯანი კონფლისტის დარეგულირების შეთანხმების ხელმოწერასთან ძალიან ახლოს იყვნენ, თუმცა მოლაპარაკება აზერბაიჯანულმა მხარემ რამდენჯერმე ჩაშალა.
„ჩვენ შემუშავებული გვქონდა დოკუმენტი, რომელშიც ნათქვამი იყო, რომ ე.წ. უსაფრთხოების ზონიდან ჯარები უნდა გაგვეყვანა, თუმცა დოკუმენტში იმაზეც იყო საუბარი, რომ მთიანი ყარაბაღის მომავალი სტატუსი ადგილობრივ მოსახლეობას რეფერენდუმის გზით უნდა გადაეწყვიტა. სამწუხაროდ, ბაქო ყოველ შეხვედრაზე ახალ მოთხოვნებს აყენებდა. მე დღესაც მზად ვარ ალიევთან შესახვედრად, თუ ეს შედეგს გამოიღებს,“-აღნიშნა სარგსიანმა.
