ამერიკის სახელმწიფო დეპარტამენტის ოფიციალურმა წარმომადგენელმა ტელეკომპანია „რაშა თუდეის“ კორესპონდენტის შეკითხვა უპასუხოდ დატოვა. ჟურნალისტი ალეპოში 5 საავადმყოფოს დაბომბვის ფაქტით დაინტერესდა, რაზეც პასუხისმგებლობა ვაშინგტონმა რუსეთს დააკისრა. ჯონ ქირბიმ კორესპონდენტს ურჩია, იგივე კითხვით რუსეთის თავდაცვის სამინისტროსთვის მიემართა. „თქვენ რაშა თუდეიში მუშაობთ და ხომ არ აჯობებდა ეს კითხვა თქვენი მთავრობისთვის დაგესვათ? ჰკითხეთ მათ სამხედრო საქმიანობის შესახებ და მოითხოვეთ იმ საავადმყოფოების სია, რომელზეც იერიშები მიაქვთ“- განაცხადა სახელმწიფო დეპარტამენტის წარმომადგენელმა.
