ავიაკომპანია Yanair-ი ოდესა-თბილისის მიმართულებით ფრენებს გეგმავს. როგორც უკრაინული მედია წერს, Yanair-ი თბილისი-ოდესას მიმართულებით რეგულარულ, ყოველკვირეულ ავიარეისებს 2016 წლის 22 დეკემბრიდან 2017 წლის 12 იანვრამდე განახორციელებს.
როგორც ოდესის საერთაშორისო აეროპორტში განმარტავენ, რეისები ყოველ ხუთშაბათს Boeing-737-ით შესრულდება. ოდესადან რეისი16:35 საათზე (უკრაინის დროით), ხოლო თბილისიდან 11:10 საათზე (საქართელოს დროით) განხორციელდება.
საქართველოს სამოქალაქო აციაციის სააგენტოში კი განმარტავენ, რომ ამ დროისათვის Yanair-ს აღნიშნულ მიმართულებაზე ფრენების დასაწყებათ მათთვის არ მიუმართავს.
შეგახსენებთ, რომ ავიაკომპანია Yanair-მა ფრენების განხორციელების უფლება 2013 წლის ივლისში მოიპოვა. დღეისათვის მისი ავიაპარკი ორ Saab 340-ს, სამ Airbus A320-ს და ერთ Boeing 737-300-ს აერთიანებს.
