ოპეკის წევრი ქვეყნების მორიგი შეხვედრის გამართვა დაგეგმილია დეკემბრის შუა რიცხვებისთვის კაიროში, განაცხადა ეგვიპტის ნავთობის სამინისტროს წარმომადგენელმა ხამდი აბდელ აზიზმა.
თავის მხრივ, ერაყის ნავთობის სამინისტროს წარმომადგენელმა ასემ ჯიხადმა აღნიშნა, რომ უწყების ხელმძღვანელი აპირებს ოპეკის ამ შეხვედრაზე მონაწილეობის მიღებას. მისი ინფორმაციით, შეხვედრა დაგეგმილია მიმდინარე წლის 11-12 დეკემბერს.
30 ნოემბერს ვენაში ოპეკის ოფიციალური შეხვედრის ფარგლებში მიღებულ უნდა იქნეს საბოლოო გადაწყვეტილება სანავთობო ბაზრის ნორმალიზაციის ზომებთან დაკავშირებით.
ადრე ოპეკის წევრმა და არაწევრმა ქვეყნებმა უკვე განიხილეს ალჟირის შეთანხმების რეალიზაციის ვარიანტები, თუმცა შეხვედრის შედეგებიდან გამომდინარე საერთო აზრი გამოთქმულ არ იქნა. ერთადერთი გადაწყვეტილება გახდა კვლავ შეხვედრის გამართვის დაგეგმვა.
