ნავთობზე მსოფლიო მოთხოვნილება 2040 წლისთვის თითქმის 12%-ით გაიზრდება 103,5 მილიონ ბარელამდე/დღე-ღამეში და ამაში ძირითად წვლილს შეიტანს ოპეკი, რომლის წილი ბაზარზე პირველად 1970 წლიდან მიუახლოვდება 50%-ს 2040 წელს. ამის შესახებ ნათქვამია საერთაშორისო ენერგეტიკული სააგენტოს მოხსენებაში (World Energy Outlook 2016) მსოფლიო ენერგეტიკის პერსპექტივებთან დაკავშირებით.
2015 წლის მაჩვენებელთან შედარებით (92,5 მლნ ბარელი/დღეში) მოთხოვნილების ზრდა შეადგენს თითქმის 12%-ს. 2025 წელს ივარაუდება ნავთობზე მსოფლიო მოთხოვნილება 98,2 მილიონი ბარელის ოდენობით დღეში.
რაც შეეხება მოპოვებას, 2020 წლისთვის ეს მაჩვენებელი ოპეკის არაწევრ ქვეყნებში გაიზრდება 54,3 მილიონ ბარელამდე/დღეში 2015 წლის 53,2 მლნ ბარელის მაჩვენებელთან შედარებით. მოპოვების პიკი იქნება 2025 წელს, როდესაც მაჩვენებელი შეადგენს 54,4 მილიონ ბარელს/დღეში. ამასთან, ოპეკის არაწევრი ქვეყნების წილი მსოფლიო მოპოვებაში 2040 წლისთვის შემცირდება 52%-მდე 2015 წლის 58%-ის მაჩვენებელთან შედარებით.
ამ ფონზე ნავთობზე მომავალი მოთხოვნილების დაკმაყოფილება დამოკიდებული იქნება ოპეკის ქვეყნებზე, რომელიც სააგენტოს აზრით, დაუბრუნდება ბაზრის აქტიური მართვის პოლიტიკას და გაზრდის თავის წილს მსოფლიო მოპოვებაში 2040 წლისთვის 48%-მდე 2015 წლის 42%-ის მაჩვენებელთან შედარებით.
