ეკონომიკისა და მდგრადი განვითარების მინისტრმა საერთაშორისო სავალუტო ფონდის მისიასთან სამუშაო შეხვედრა გამართა. საუბარი შეეხო საქართველოს ფისკალურ მდგომარეობას, ბიუჯეტის ძირითად პარამეტრებსა და მთავრობის ხედვაზე საბიუჯეტო დეფიციტის მაჩვენებელს. აღინიშნა, რომ საქართველოს მთავრობა უახლოეს პერიოდში 2017 წლის ბიუჯეტის პროექტზე მუშაობას დაასრულებს. ქართულმა მხარემ გამოთქვა მზადყოფნა, მომავალი წლის ბიუჯეტის ძირითადი პარამეტრებისა და საშუალოვადიანი ფისკალური გეგმების შედგენის პროცესში გაითვალისწინოს სავალუტო ფონდის რეკომენდაციები. შეხვედრას ფინანსთა მინისტრი ნოდარ ხადური და საერთაშორისო სავალუტო ფონდის წარმომადგენლობის ხელმძღვანელი დაესწრნენ.
