უმცირესობას მე-9 მოწვევის პარლამენტში ისევ დავით ბაქრაძე უხელმძღვანელებს, ვიცე-სპიკერი კი სერგო კაპანაძე იქნება. ნაციონალური მოძრაობის ოფისში რამდენიმესაათიანი მსჯელობის შემდეგ ეს გადაწყვეტილება ოპოზიციური გუნდის ახალმა საპარლამენტო შემადგენლობამ მიიღო. ცნობილი გახდა ისიც, რომ ფრაქციას ნიკა მელია ჩაუდგება სათავეში. გუნდში გრძელდება კონსულტაციები იმაზე, თუ რამდენი ფრაქცია ეყოლება ნაციონალურ მოძრაობას საკანონმდებლო ორგანოში. ასევე უცნობია, ვინ რომელ კომიტეტში დაიკავებს თავმჯდომარის მოადგილის თანამდებობას.
