მიმდინარე წლის ოქტომბერში საქართველოში ნავთობპროდუქტების (ბენზინი და დიზელის საწვავი) იმპორტმა  115,6 ათასი ტონა შეადგინა, რაც 19,5 ათასი ტონით აღემატება სექტემბრის თვის მაჩვენებელს.  მათ შორის, ბენზინის საწვავის იმპორტმა შეადგინა  56,7  ათასი ტონა კლება 0,8 ათასი ტონით), ხოლო დიზელის საწვავის იმპორტმა - 58,9 (მატება 20,3 ათასი ტონით)  ათასი ტონა.

ნავთობპროდუქტების იმპორტიორთა კავშირის განცხადებით, საწვავის კატეგორიების მიხედვით 2016 წლის ოქტომბრის თვეში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 38,8  ათასი ტონა ანუ 68,4%;  A-95 პრემიუმი მარკის  ბენზინი - 16,8 ათასი ტონა ანუ 29,6%, A-98 სუპერი მარკის  ბენზინი - 1,1 ათასი ტონა ანუ 2,0%.

ხოლო დიზელის საწვავის იმპორტმა კატეგორიების მიხედვით მ/წლის ოქტომბრის თვეში შეადგინა: 50PPM (ევრო დიზელი) – 52,5 ათასი ტონა ანუ 89,1%, L-62 დიზელის საწვავი - 6,4 ათასი ტონა ანუ 10,9%.

ქვეყნების მიხედვით 2016 წლის ოქტომბრში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 25,6  ათასი ტონა, რაც მთელი იმპორტის 22,2%-ს შეადგენს. შემდეგ  მოდიან: ბულგარეთი - 24,6 ათასი ტონა (21,3%),  აზერბაიჯანი  - 21,4 ათასი ტონა (18,5%), თურქმენეთი - 19,0 ათასი ტონა (16,4%),   რუსეთი  - 14,1 ათასი ტონა (12,2%),  საბერძნეთი -  5,0 ათასი ტონა (4,3%), იტალიიდან - 4,9 ათასი ტონა (4,2%), უკრაინა - 1,0 ათასი ტონა (0,9%).

აქვე უნდა შევეხოთ სხვა ნავთობპროდუქტების იმპორტის მონაცემებსაც: მიმდინარე წლის ოქტომბრში საქართველოში იმპორტირებულ იქნა 6,5  ათასი ტონა სანავთობო ბიტუმი, რაც 4,1 ათასი ტონით ნაკლებია სექტემბრის  მაჩვენებელთან შედარებით. სულ 2016 წლის 10 თვის განმავლობაში ბიტუმის იმპორტმა შეადგინა 91,8 ათასი ტონა. ოქტომბრში საქართველოში საცხებ-საპოხი მასალების იმპორტმა შეადგინა 1,4  ათასი ტონა, რაც 0,4 ათასი ტონით ნაკლებია სექტემბრის მაჩვენებელთან შედარებით.  

2016 წლის ოქტომბრში საქართველოში საავიაციო ნავთის იმპორტმა შეადგინა 7,8 ათასი ტონა, რაც 0,9 ათასი ტონით მეტია წინა თვის მაჩვენებელთან შედარებით», აღნიშნულია ასოციაციის მიერ გავრცელებულ ინფორამციაში.