2016 წლის პირველი სამი კვარტლის მდგომარეობით, გაზრდილია საგადასახადო შემოსავლების წილი (1.6 პროცენტული პუნქტი) სახელმწიფო ბიუჯეტის მთლიან შემოსავლებში და 94.6% - ს შეადგენს. აღნიშნულის გათვალისწინებით, შემცირებულია გრანტებისა და სხვა შემოსავლების წილი, 1.1 და 0.5 პროცენტული პუნქტით, შესაბამისად.
Policy and Management Consulting Group-ის (PMCG) მონაცემებით, 2016 წლის პირველი სამი კვარტლის მდგომარეობით, სახელმწიფო ბიუჯეტის შემოსავლები შესრულებულია 100.5%-ით, მაშინ როცა 2015 წლის შესაბამის პერიოდში შესრულების მაჩვენებელი 103.1% იყო. აღნიშნულ პერიოდში, საგადასახადო შემოსავლები 101.9% - ით არის შესრულებული, გრანტები - 62.2% - ით, ხოლო სხვა შემოსავლები 103.0% - ით, 9 თვის დაგეგმილ მაჩვენებელთან შედარებით.
აღნიშნულ პერიოდში, სახელმწიფო ბიუჯეტის საგადასახადო შემოსავლები მნიშვნელოვნადაა გაზრდილი (6.1%, 340.9 მლნ. ლარი), 2015 წლის შესაბამის პერიოდთან შედარებით. ზრდა დაფიქსირდა როგორც პირველ (7.0%, 128.1 მლნ.ლარი), ასევე მეორე (2.0%, 35.5 მლნ.ლარი) და მესამე კვარტლებში (8.8%, 177.4 მლნ.ლარი).
2016 წლის პირველი სამი კვარტლის მდგომარეობით, სახელმწიფო ბიუჯეტის საგადასახადო შემოსავლები 101.9% - ით არის შესრულებული, 9 თვის დაგეგმილ მაჩვენებელთან შედარებით, რაც წლიური გეგმის 74.8%-ს შეადგენს.
«2016 წლის პირველ სამ კვარტალში, დამატებული ღირებულების გადასახადიდან მიღებული შემოსავლები შემცირებულია (-6.9%, -178.4 მლნ.ლარი), 2015 წლის შესაბამის პერიოდთან შედარებით. შემცირება დაფიქსირდა პირველ (-14.2%, - 120.5 მლნ. ლარი) და მეორე კვარტლებში (-8.1%, -66.1 მლნ.ლარი), ხოლო მესამე კვარტალში დაფიქსირდა დამატებული ღირებულების გადასახადიდან შემოსავლების მცირედი ზრდა (0.9%, 8.2 მლნ.ლარი).
2016 წლის პირველი სამი კვარტლის მდგომარეობით, დამატებული ღირებულების გადასახადიდან შემოსავლები 87.7% - ით არის შესრულებული, 9 თვის დაგეგმილ მაჩვენებელთან შედარებით, რაც წლიური გეგმის 63.2%-ს შეადგენს.
2016 წლის პირველ სამ კვარტალში, საშემოსავლო გადასახადიდან მიღებული შემოსავლები გაზრდილია (1.6%, 23.9 მლნ.ლარი). მნიშვნელოვანი შემცირება დაფიქსირდა პირველ კვარტალში (-27.4%, - 126.0 მლნ. ლარი), ხოლო მეორე (21.6%, 101.3 მლნ.ლარი) და მესამე კვარტლებში (9.1%, 48.6 მლნ.ლარი) შემოსავლები გაზრდილია. 2016 წლის პირველი სამი კვარტლის მდგომარეობით, საშემოსავლო გადასახადიდან შემოსავლები 100.4% - ით არის შესრულებული, 9 თვის დაგეგმილ მაჩვენებელთან შედარებით, რაც წლიური გეგმის 71.5%-ს შეადგენს.
2016 წლის პირველ სამ კვარტალში, მოგების გადასახადიდან მიღებული შემოსავლები გაზრდილია (3.0%, 25.4 მლნ.ლარი). მნიშვნელოვანი შემცირება დაფიქსირდა პირველ კვარტალში (-35.5%, -113.2 მლნ. ლარი), ხოლო მეორე (22.8%, 56.5 მლნ.ლარი) და მესამე კვარტლებში (28.2%, 82.2 მლნ.ლარი) შემოსავლები გაზრდილია. 2016 წლის პირველი სამი კვარტლის მდგომარეობით, საშემოსავლო გადასახადიდან შემოსავლები 109.1% - ით არის შესრულებული, 9 თვის დაგეგმილ მაჩვენებელთან შედარებით, რაც წლიური გეგმის 90.2%-ს შეადგენს», აღნიშნულია PMCG-ის კვლევაში.
2016 წლის პირველ სამ კვარტალში, აქციზის გადასახადიდან მიღებული შემოსავლები გაზრდილია (27.4%, 171.1 მლნ.ლარი). ზრდა დაფიქსირდა როგორც პირველ (28.2%, 49.8 მლნ.ლარი), ასევე მეორე (35.1%, 69.1 მლნ.ლარი) და მესამე კვარტლებში (20.7%, 52.2 მლნ.ლარი). 2016 წლის პირველი სამი კვარტლის მდგომარეობით, საშემოსავლო გადასახადიდან შემოსავლები 110.3% - ით არის შესრულებული, 9 თვის დაგეგმილ მაჩვენებელთან შედარებით, რაც წლიური გეგმის 78.7%-ს შეადგენს.
„2016 წლის პირველ სამ კვარტალში, იმპორტის გადასახადიდან მიღებული შემოსავლები გაზრდილია (1.1%, 0.6 მლნ.ლარი). პირველ კვარტალში (34.3%, 6.1 მლნ.ლარი) შემოსავლები გაიზარდა, მეორე კვარტალში (-50.6%, -9.1 მლნ.ლარი) აღინიშნა კლება, რასაც მოყვა ზრდა მესამე კვარტალში (23.2%, 3.6 მლნ.ლარი). 2016 წლის პირველი სამი კვარტლის მდგომარეობით, საშემოსავლო გადასახადიდან შემოსავლები 94.3% - ით არის შესრულებული, 9 თვის დაგეგმილ მაჩვენებელთან შედარებით, რაც წლიური გეგმის 89.2%-ს შეადგენს.
2016 წლიდან შეიცვალა ბიუჯეტში საგადასახადო შემოსავლების გადანაწილების წესი. პირველ ეტაპზე ხდება საგადასახადო შემოსავლების აკუმულირება სხვა არაკლასიფიცირებული გადასახადების ანგარიშზე, ხოლო ამის შემდეგ ხდება საგადასახადო შემოსავლების ცალკეულ გადასახადზე მიკუთვნება. ამიტომ, აღნიშნულ პერიოდში მნიშვნელოვნად არის გაზრდილი სხვა არაკლასიფიცირებული გადასახადებიდან მიღებული შემოსავალი (18 ჯერ, 298.2 მლნ.ლარი)» აცხადებერნ PMCG-ში.
