საქართველოში ორდღიანი ვიზიტით რუსი ბიზნესმენები იმყოფებიან. რუსეთისა და საქართველოს ბიზნესწრეების წარმომადგენლების შეხვედრა უკვე გაიმართა. რუსი ბიზნესმენების განცხადებით, ისინი დაინტერესებულები არიან სოფლის მეურნეობით, ასევე სატრანსპორტო და ჯანდაცვის სფეროებით. მათივე თქმით, ორმხრივი შეხვედრების დროს, ისინი მსჯელობენ სექტორული თანამშრომლობის გაღრმავებაზე. რუსული კომპანიების წარმომადგენელთა ნაწილი იმედს გამოთქვამს, რომ ორდღიანი ვიზიტის ფარგლებში სახელისუფლებო წრეებთან შეხვედრასაც შეძლებენ.
"საქართველოში ორდღიანი ვიზიტით ვიმყოფებით. ჩვენ დიდი იმედი გვაქვს, რომ დიპლომატიური ურთიერთობები აღდგება, რადგან წლების სიყვარული და რუსეთ-საქართველოს შორის დიდი ხნის ურთიერთობები ყოველთვის არსებობდა, ბიზნესის სრულფასოვანი კეთებისთვის ოფიციალური ურთიერთობები არ გვყოფნის. იმედი გვაქვს, რომ ურთიერთობები გაღრმავდება და გაგრძელდება" - განაცხადა რუსეთის ინოვაციური განვითარების ასოციაციის დირექტორმა, მარინა შიჩკინამ.
