მემარცხენე რადიკალურმა დაჯგუფებამ „ფარკმა“ კოლუმბიის ხელისუფლებასთან კიდევ ერთ სამშვიდობო შეთანხმებას მოაწერა ხელი. ხელმოწერის ცერემონია კუბის დედაქალაქ ჰავანაში შედგა. დოკუმენტში ამჯერად კოლუმბიის მოქალაქეთა ჯგუფისა და ოპოზიციის მოთხოვნებიცაა შეტანილი. პირველად სამშვიდობო შეთანხმებას მხარეებმა ხელი 26 სექტემბერს მოაწერეს, თუმცა საყოველთაო რეფერენდუმზე მოსახლეობამ შეთანხმებას მხარი არ დაუჭირა. ოპოზიცია სამხედრო დამნაშავეების ამნისტირებას დაუშვებლად მიიჩნევს და მათ გასამართლებას ითხოვს.
