სეულის ქუჩებში პრეზიდენტის გადადგომის მოთხოვნით ათობით ათასი ადამიანი გამოვიდა. ამის მიზეზი ხმაურიანი სკანდალი გახდა. როგორც გაირკვა, პაკ კინ ხეს ახლო მეგობარი ჩხვე სუნ სილი პრეზიდენტთან მეგობრობას ბოროტად იყენებდა და სახელმწიფო საქმეებში ერეოდა. ამასთან, ის ფინანსურ სარგებელსაც იღებდა. ჩხვე სუნ სილი პოლიციამ პატიმრობაში აიყვანა. პრეზიდენტის წინააღმდეგ კი მასშტაბური საპროტესტო აქციები უკვე ერთი თვეა, გრძელდება.
