საქართველოს ეროვნული საინვესტიციო სააგენტოს ხელშეწყობით, ამერიკულმა კომპანიამ Base4, (www.base-4.com) თბილისში ოფისი გახსნა. Base4 აშშ-ს ერთერთი წამყვანი არქიტექტურული და საინჟინრო დიზაინერული ფირმაა. ცოტა ხნის წინ ის Inc. 5000-ის შტატების ყველაზე სწრაფად მზარდი კომპანიების სიას შეუერთდა.
Base4-ის გენერალური დირექტორი დოქტორი გარი ვერმაასი და კომპანიის განვითარების დირექტორი ჯოდი ვერმაასი 24-27 ოქტომბერს საქართველოს ეწვივნენ. ვიზიტის ფარგლებში, საქართველოს ეროვნული საინვესტიციოს ორგანიზებით, დოქტორ გერი და დოქტორ ჯოდი გერმაასებმა შევხვედრები გამართეს საქართველოს განათლების და მეცნიერების სამინისტროში და ქვეყნის რამდენიმე წამყვან უნივერსიტეტში.
Base4-ი სასტუმროების დიზაინის წამყვანი ფირმაა, რომელიც აშშ-ში წარმოდგენილ და სხვა საერთაშორისო კლიენტებისთვის არქიტექტურულ-საინჟუნრო პროექტებს ქმნის. კომპანიის უნიკალურობა ინოვაციებშია, უახლესი ტექნოლოგიების გამოყენებით ის სწრაფ და ხარისხიან მომსახურებას სთავაზობს მომხმარებელს. Base4-ის პარტნიორები არიან სასტუმროების მფლობელები, დეველოპერები და სამშენებლო კომპანიები. კომპანიას 2000-ზე მეტი პროექტი აქვს დასრულებული, მათ შორის ისეთი ცნობილი ბრენდების, როგორებიცაა: Choice-ი, Hilton-ი, Hyatt-ი, Marriott-ი და Starwood-ი. გუნდის პროფესიონალიზმის და მომსახურების ხარისხის დამსახურებაა, რომ Base4-ი დღეს სასტუმროების წამყვანი ბრენდების რეჩეულია.
