სანდრა რულოვსს პარლამენტში სავარაუდოდ, გიორგი ღვინიაშვილი ჩაანაცვლებს, რადგან ”ნაციონალური მოძრაობის” სიაში 28-ე ადგილს სწორედ ღვინიაშვილი იკავებს, პარტია კი მეცხრე მოწვევის პარლამენტში 27 მანდატით იქნება წარმოდგენილი.
სიის მეორე ნომერმა, ყოფილმა პირველმა ლედიმ პარლამენტში შესვლაზე უარი გუშინ განაცხადა.
საარჩევნო კოდექსის ტანახმად, თუ საქართველოს პარლამენტის გამოკლებული წევრი არჩეული იყო არჩევნებში დამოუკიდებლად მონაწილე პარტიის პარტიული სიით, მის ადგილს 1 თვის ვადაში იკავებს იმავე სიაში რიგით მომდევნო საქართველოს პარლამენტის წევრობის კანდიდატი, თუ მან ვაკანსიის წარმოშობიდან 15 დღეში თანხმობა განაცხადა საქართველოს პარლამენტის წევრობაზე. წინააღმდეგ შემთხვევაში ვაკანტურ ადგილს დაიკავებს სიაში მისი მომდევნო საქართველოს პარლამენტის წევრობის კანდიდატი და ა. შ. თუ პარტიულ სიაში ასარჩევი საქართველოს პარლამენტის წევრობის კანდიდატი აღარ არის, პარლამენტის წევრის ეს მანდატი გაუქმებულად ჩაითვლება.
