ბრიტანეთი ინდოეთს სავიზო რეჟიმს არ შეუმსუბუქებს. ამის შესახებ გაერთიანებული სამეფოს პრემიერ-მინისტრმა განაცხადა. „ვფიქრობ, არსებული სისტემა კარგად მუშაობს. 10-დან 9 განაცხადი ვიზის მიღებაზე ისედაც კმაყოფილდება,“-აღნიშნა დელიში ოფიციალური ვიზიტით მყოფმა ტერეზა მეიმ. მანამდე ბრიტანეთის პრემიერმა განაცხადა, რომ გაერთიანებულ სამეფოში მიგრანტთა რაოდენობის შემცირებას წელიწადში 100 ათას ადამიანამდე გეგმავს.
