2017 წლისთვის ბათუმის მერია მუნიციპალური ავტოპარკის განახლებას გეგმავს. გათვალისწინებულია როგორც ელექტრო, ასევე დიზელზე მომუშავე ავტობუსების შეძენა.
ახალი ავტობუსების ტექნიკური დოკუმენტაციის სარეკომენდაციო პაკეტის შემუშავების მიზნით, დღეს შეხვედრა გაიმართა ,,თავისუფალ სივრცეში“ შპს ,,ბათუმის ავტოტრანსპორტის“, მერიის, საკრებულოსა და არასამთავრობო სექტორის წარმომადგენლებს შორის. შეხვედრაზე ახალი მუნიციპლური ავტობუსების ტექნიკური დოკუმენტაციის სარეკომენდაციო პაკეტში გასათვალისწინებელ საკითხებზე ისაუბრეს და შეთანხმდნენ, რომ არასამთავრობო სექტორის წარმომადგენლები თავიანთ მოსაზრებებსა და რეკომენდაციებს 1 კვირის ვადაში წარუდგენენ ,,ბათუმის ავტოტრანსპორტის“ ხელმძღვანელობას კონსულტანტი კომპანიისთვის გადასაგზავნად. ევროპის რეკონსტრუქციისა და განვითარების ბანკის მიერ დააქირავებული კომპანია ,,Mott Mcdonald”-ი ტექნიკურ დოკუმენტაციაზე უკვე მუშაობს.
სწორედ აღნიშნული რეკომენდაციების გათვალისწინებით მოხდება ტექნიკური დოკუმენტაციის საბოლოო ვარიანტის შემუშავება.
პირველ ეტაპზე, ახალი, ეკოლოგიურად სუფთა და ეკონომიური მუნიციპალური ტრანსპორტი #10 სამარშრუტო ხაზზე იმოძრავებს. იგეგმება კიდევ რამდენიმე სამარშრუტო ხაზის დამატებაც.
