თურქეთმა ოპერაცია „ევფრატის ფარის“ ფარგლებში ისლამური სახელმწიფოს 40-მდე ობიექტი გაანადგურა. ამის შესახებ თურქეთის არმიის გენერალური შტაბი იტყობინება. ავიადარტყმები ქურთული დაჯგუფებების პოზიციებზეც განხორციელდა. დაზუსტებული ინფორმაცია მსხვერპლის შესახებ ჯერჯერობით არ გავრცელებულა. სირიის ტერიტორიაზე თურქეთის მიერ წარმოებული სამხედრო ოპერაციების გამო დამასკო ანკარას პროტესტს უცხადებს და თურქული თვითმფრინავების ჩამოგდებით იმუქრება.
