ირანული ბიზნესი აჭარაში ჩაის წარმოებით დაინტერესდა. ამ მიზნით აჭარის სავაჭრო-სამრეწველო პალატას ირანის ისლამური რესპუბლიკის გილანის პროვინციის წარმომადგენლები, მათ შორის გილანის პროვინციის სავაჭრო-სამრეწველო პალატის პრეზიდენტი და ამავე დროს, ირან-საქართველოს სავაჭრო-სამრეწველო პალატის
ვიცე-პრეზიდენტი ჰადი ტიზოუში, პროვინციაში მოქმედ ბიზნეს-სექტორის წარმომადგენლებთან ერთად სტუმრობდა.
ვიზიტის ფარგლერბში ირანელი ბიზნესმენები აჭარაში ჩაის წარმოების პოტენციალს და არსებულ შესაძლებლობებს გაეცნენ.
აჭარის სავაჭრო-სამრეწველო პალატაში იმედი აქვთ, რომ საბოლოოდ შეთანხმება მოხდება და გილანის პროვინციაში მოქმედი ბიზნესმენები აჭარაში ჩაის წარმოების გაფართოებაში შესაბამის ინვესტიციას განახორციელებენ.
ვინაიდან საქართველო-ევროკავშირს შორის უკვე მოქმედებს ღრმა და ყოვლისმომცველი თავისუფალი ვაჭრობის ხელშეკრულება, ირანული მხარე დაინტერესებულია, რომ ევროკავშირის ბაზარზე ქართულ ბიზნესთან თანამშრომლობით მოხვდეს.
