საქართველოს პრეზიდენტი გიორგი მარგველაშვილი ტრანსგენდერ მოქალაქეზე განხორციელებულ ძალადობას გმობს. როგორც დღეს გამართულ ბრიფინგზე პრეზიდენტის პრესსპიკერმა ეკა მიშველაძემ განაცხადა, პრეზიდენტი მიიჩნევს, რომ უმნიშვნელოვანესია თავდასხმის რეალური მიზეზი დადგინდეს.
„ასევე, ძალიან მნიშვნელოვანი თემა, რომელსაც საქართველოს პრეზიდენტი ეხმაურება - პრეზიდენტი გმობს რამდენიმე დღის წინ მომხდარ შემზარავ ფაქტს, ძალადობას ტრანსგენდერ მოქალაქეზე. პრეზიდენტი მიესალმება, რომ ამ თემაზე მიმდინარეობს გამოძიება და მიიჩნევს, რომ უმნიშვნელოვანესია დადგინდეს თავდასხმის რეალური მიზეზი“,-აღნიშნა მიშველაძემ.
რამდენიმე დღის წინ ორთაჭალაში 32 წლის ტრანსგენდერ მოქალაქეს ორი პირი ფიზიკურად გაუსწორდა.
