არაბეთის გაერთიანებულ საემიროებში, დუბაიში მცხოვრებმა წარმოშობით ინდოელმა ბიზნესმენმა „ლამაზ“ საავტომობილო ნომერში საკმაოდ რეკორდული თანხა გადაიხადა. არაბული მედიის ინფორმაციით, ბიზნესმენმა ნომერში - D5 არც მეტი არც ნაკლები 9 მლნ დოლარი გადაიხადა.
კომპანია RSG International-ის მფლობელმა ბალვინდერ სახინმა აღნიშნული ნომერი ერთ-ერთ აუქციონზე იყიდა. როგორც ბიზნესმენმა აღნიშნა მას მოსწონს და უყვარს მსგავსი ნომრების შეგროვება და ერთგვარი კოლექციის მფლობელიცაა.
