იანვარ-აგვისტოში თურქეთში ჩასული უცხოელ ტურისტთა 50%-ზე მეტი ევროპელ ტურისტებზე მოდის. სტატისტიკური ინფორმაციის მიხედვით, რვა თვეში თურქეთს 100-ზე მეტი ქვეყნიდან 17 მლნ 391 ათას 431 ტურისტი ყავდა. აქედან 54%-მდე სწორედ ევროპელი ტურისტები იყვნენ. იანვარ-აგვისტოში თურქეთს ევროპიდან 9 მლნ 385 ათას 322 ადამიანი სტუმრობდა.
ევროპიდან ყველაზე მეტი ტურისტი თურქეთს, როგორც ყოველთვის გერმანიიდან, დიდი ბრიტანეთიდან, ბულგარეთიდან და ჰოლანდიიდან ყავდა.
რვა თვეში გერმანიიდან თურქეთში 2 მლნ 714 ათას 861 ტურისტი, დიდი ბრიტანეთიდან - 1 მლნ 246 ათას490 ტურისტი, ბულგარეთიდან - 1 მლნ 96 ათას 972 ტურისტი, ხოლო ჰოლანდიიდან 704 ათას 354 ტურისტი ჩავიდა.
რაც შეეხება რუს ტურისტებს, წელს თურქეთში ამ მხრივ სიმცირე იყო. მიმდინარე წლის იანვარ-აგვისტოში გასული წლის ანალოგიურ პერიოდთან შედარებით რუსი ტურისტების რაოდენობა 87,90 %-ითაა შემცირებული.
