მოხდება თუ არა „რუსთავი 2“-ის ორ საქმეზე გადაწყვეტილების მიღება, ეს სასამართლოს დარბაზში გახდება ცნობილი, - განაცხადა საკონსტიტუციო სასამართლოს პირველი კოლეგიის ერთ-ერთმა მოსამართლემ მერაბ ტურავამ.
მისი თქმით, არც ელექტრონული ფოსტის და არც საკონსტიტუციო სასამართლოს საორგანიზაციო სამსახურიდან არ მიუღია ინფორაცია, რომ დღეს „რუსთავი 2“-ის საქმეებზე გადაწყვეტილება უნდა იყოს მიღებული.
„ამ ხუთი საქმიდან ინფორმაცია, მხოლოდ 3-ზე გვქონდა, რომ უნდა მიგვეღო გადაწყვეტილება და ბოლო ორ საქმეზე, რომელიც „რუსთავი 2“-ის საქმეს ეხება, ჩემთვის ინფორმაცია არავის მოუწოდებია. საწყენია, რომ ამ ინფორმაციას ჟურნალისტებისგან ვიგებ. მოხდება თუ არა „რუსთავი 2“-ის ორ საქმეზე გადაწყვეტილების მიღება, ეს სასამართლოს დარბაზში გახდება ცნობილი“, - განაცხადა ტურავამ.
საკონსტიტუციო სასამართლოში „რუსთავი 2“-ის შვიდი საქმეა შესული, აქედან ხუთ საქმეზე მსჯელობს პლენუმი, ხოლო ოს საქმეზე პირველი კოლეგია.
საქართველოს საკონსტიტუციო სასამართლო ტელეკომპანია „რუსთავი 2“-ის საქმეზე გადაწყვეტილებას დღეს გამოაცხადებს.
ამის შესახებ ინფორმაციას საკონსტიტუციო სასამართლოს ვებგვერდზეა განთავსებული
მათივე ცნობით, გადაწყვეტილება 14-დან 15.00 საათამდე გამოცხადდება.
