,,ნაციონალური მოძრაობის“ ერთ-ერთ ლიდერს, აჭარის მთავრობის ყოფილ მეთაურს ლევან ვარშალომიძეს „კორუფციასთან ბრძოლის საინფორმაციო ცენტრის ხელმძღვანელი“ მერაბ ღოღობერიძე კორუფციულ გარიგებაში ადანაშაულებს.
მისი ინფორმაციით, „ნაციონალური მოძრაობის“ მმართველობის პერიოდში, 2010 წელს ლევან ვარშალომიძემ და მიხეილ სააკაშვილმა მოქალაქეებს ათეულობით მიწის ნაკვეთი ჩამოართვეს, მათ შორის ორთაბათუმში მდებარე საცხოვრებელი სახლი, რომელიც შემდგომ ინვესტიციის განხორციელების მიზნით, თურქეთის მოქალაქეს უსასყიდლოდ გადასცეს.
მერაბ ღოღობერიძე აცხადებს, რომ აღნიშნულ სახლში არანაირი ინვესტიცია ამ დრომდე არ განხორციელებულა, თუმცა, ვარშალომიძე ძვირად ღირებულ საცხოვრებელ სახლს პირად საკუთრებაში იყენებს.
მერაბ ღოღობერიძე საკითხთან დაკავშირებით, პროკურატურას დაინტერესებიკენ მოუწოდებს.
