მსოფლიოში ერთერთი ყველაზე პოპულარული ჟურნალი საქართველოს შესახებ სტატიას აქვეყნებს. national geographic-ის ჟურნალისტი მკითხველს საქართველოში მოგზაურობას ურჩევს და რჩევას აძლევს:
„საფრანგეთი და ჩინეთი ღვინის კლასიკურ ქვეყნებად მიიჩნევა, მაგრამ გააფართოვეთ თქვენი ჰორიზონტი და ბევრს გაიგებთ საქართველოს შესახებ.
რატომ საქართველო
ოქტომბერი, ღვინობისთვე, ღვინისმომზადების პერიოდია საქართველოში. ამ ქვეყანას ღვინის წარმოების ათასწლოვანი მემკვიდრეობა აქვს. ტრადიციული ქართული ღვინო მიწისქვეშ, კვერცხის ფორმის ჭურჭელში, ქვევრში ინახება. ქართული ღვინის წარმოების მეთოდი 2013 წელს UNESCO-ს კულტურული მემკვიდრეობის სიაშია შეიყვანეს.
სად ვიმოგზაუროთ
საქართველოს ღვინის მთავარ რეგიონად კახეთია მიჩნეული. აღმოსავლეთს საქართველოს ამ რეგიონს რუსეთი და აზერბაიჯანი ესაზღვრება. რეგიონის მთავარი ქალაქებია თელავი და ყვარელი. შემდეგი ღვინის რეგიონებია: ქართლი, მესხეთი, იმერეთი, რაჭა-ლეჩხუმი და შავი ზღვის სანაპირო.
როგორ ვიმოგზაუროთ საქართველოში
საქართველოს ქალაქებს შორის გადაადგილება ტაქსითაც შესაძლებელია. ღვინის ტუროპერატორების საშუალებით შეგიძლიათ ეწვიოთ სხვადასხვა მარნებსა და ვენახებს და თქვენთვითონ დაგეგმოთ ექსკურსიები.
ქართული კერძები
ქართული ტრადიციული კერძებიდან ხინკალი და ხაჭაპური დააგემოვნეთ. ორივე კერძს უხდება ქართული „ფორთოხლის ღვინო“ ანუ რქაწითელი.
ქართული კულტურა
საქართველო კონსერვატიული ქვეყანაა, მაგრამ ძალიან სტუმართმოყვარე. სტუმარს ძალიან კარგად ექცევიან. ჩაცმულობაც კონსერვატიულია, ეკლესიაში შესვლისას ქალები თავსაბურს ატარებენ.“
სტატიის ბოლოს national geographic მკითხველს საქართველოს ტურიზმის ეროვნული ადმინისტრაციისა და ღვინის ასოციაციის ვებგვერდების დათვალიერებას ურჩევს.
