ექს-პრემიერ ბიძინა ივანიშვილის განცხადებით, ძალიან ბევრი სამსახურზე უარს ამბობს, რომ არ დაკარგოს სოციალური დახმარება. მისივე თქმით, დათვლაში, შეფასებაში შესაძლოა ხარვეზები იყოს, თუმცა სოციალური მიმართულებით საერთო ჯამში ბიუჯეტი 3-4-ჯერ გაიზარდა. 670 მილიონი კი, რომელიც ბიუროკრატიას ხმარდებოდა, ბოლო 3 წელია სწორედ სოციალური მიმართულებით წავიდა.
“შეფასებებში ცვლილებები ხდება, მაგრამ ჩვენი ბიუჯეტი სოციალურად მიმართულია. 760 მილიონი აღმოვაჩინე, რომელიც უკვე 3 წელია ბიუროკრატიაზე აღარ იხარჯება და სოციალური მიმართულებით წავიდა. ახალმა ხელისუფლებამ დაზოგა ეს თანხა. ეს უზარმაზარი თანხაა. სოციალური მიმართულებით 27 მილიონი იყო, ახლა კი 85 მილიონია“,-განაცხადა ივანიშვილმა.
