”თამაზ მეჭიაური- ერთიანი საქართველოსთვის” ლიდერის თამაზ მეჭიაურის განცხადებით, მისი პოლიტიკური პარტია მხოლოდ ,,ღმერთის ანაბარადაა“, დღეს გამართულ პრესკონფერენციაზე მან ასევე აღნიშნა, რომ პარტიისთვის ,,დაბლოკილია ყველა რეიტინგული მედიასაშულაბა, რადგან წარმოადგენენ მხოლოდ პროქართულ ძალას“.
”პოლიტიკური პარტიების ნაწილი დამოკიდებულია დასავლეთზე, ნაწილი ჩრდილოეთზე, ჩვენ კიდევ ღმერთის ანაბარა ვართ. ჩვენ ამ შემთხვევაში არც ერთი მხრიდან არ ვფინანსდებით. ინტერესი ორივე მხრიდან ჩვენს მიმართ მაინცდამაინც დიდი არ არის, განსაკუთრებით დასავლეთის მხრიდან. იმიტომ, რომ ჩვენ ღიად ვურტყამთ ნატო-ს, მიგვაჩნია, რომ ნატო არის აბსურდული და შესვლის შემთხვევაშიც კი შეიძლება კატასტროფული შედეგების მომტანი იყოს. გამომდინარე აქედან, მათ ინტერესებში არის ჩვენ მაქსიმალურად დაგვასუსტონ და არ მოგვცენ ბარიერის გადალახვის საშუალება. ჩრდილოეთის მხირდან ჩვენს მიმართ ნაკლები ინტერესი გამოიხატება იმით, რომ ჩვენ ვამბობთ, რომ რუსულ ინტერესს ვითვალისწინებთ მხოლოდ იმ დოზით, რა დოზითაც ეს ჩვენი ქვეყნის ტერიტორიული მთიანობის სარგებელს სჭირდება”, - განაცხადა თამაზ მეჭიაურმა და ,,პარლამენტში ქართული ხმა გაიჟღერებს“.
