ექს-პრემიერ ბიძინა ივანიშვილის განცხადებით, დავით ბაქრაძეს ”ნაციონალური მოძრაობის” დატოვება შესთავაზა. ქუთაისში, რეგიონულ მედიასთან შეხვედრაზე მან აღნიშნა, რომ ამის თაობაზე ის ბაქრაძეს სტრასბურგში ესაუბრა.
”ბაქრაძეზე ყველაზე მეტი მცდელობები მქონდა, რომ დატოვე და წამოდი-თქო. მეგონა უფრო მოწესრიგებული კაცი იყო. სტრასბურგში შევხვდი და მთელი საათი ვაწყვებოდი, არა გრცხვენია, რას ამბობ, ადექი, წამოდი-თქო”, - განაცხადა ბიძინა ივანიშვილმა.
