,,ირაკლი ალასანია-თავისუფალი დემოკრატების“ გენერალურმა მდივანმა ალექსი პეტრიაშვილმა პარტიის ცენტრალურ ოფისში ბრიფინგი გამართა, სადაც საკონსტიტუციო სასამართლოს მოუწოდა, რომ დღეს ჩანიშნული პროცესი კიდევ ერთხელ არ ჩაშალოს და არ გააჭიანუროს საქმე.
სახალხო დამცველის დასკვნის მიხედვით ე.წ. კაბელების საქმეზე მსჯავრდებულთათვის წაყენებული ბრალი ანტიკონსტიტუციურია და შესაძლებელია ითქვას რომ ისინი არიან დაპატიმრებული სრულიად უსაფუძვლოდ.
სახალხო დამცველმა საქმის გარემოებების შესწავლის შემდეგ დაასკვნა, რომ მუხლი, რომელსაც საერთო სასამართლო ე.წ. კაბელების საქმეზე მსჯავრდებულების დამნაშავედ ცნობისას დაეყრდნო, ანტიკონსტიტუციურია. საქართველოს სისხლის სამართლის კოდექსი 182-ე მუხლი იძლევა მისი არასწორი ინტერპრეტაციის შესაძლებლობას, რაც ეწინააღმდეგება საქართველოს კონსტიტუციის 42-ე მუხლის მე-5 პუნქტით გარანტირებულ უფლებას.
დასკვნაში, რომელიც 31 აგვისტოს ‘’კაბელების საქმის’’ ადვოკატებს გადაეცათ საქართველოს სახალხო დამცველის დასკვნა ე.წ. კაბელების საქმეზე, სადაც წერია, რომ საქართველოს სისხლის სამართლის კოდექსის მიხედვით, მსჯავრდებულთათვის წაყენებული ბრალი, ჯგუფის მიერ წინასწარ შეთანხმებით დანაშაულის ჩადენა, საქმეში საერთოდ არ არის. დასკვნაში პირდაპირ წერია, რომ სასამართლოს მიერ მიღებული გადაწყვეტილება არის არაკონსტიტუციური. სახალხო დამცველის დასკვნიდან პირდაპირ შეგვიძლია დავასკვნათ, რომ ის ხუთი ადამიანი, რომელიც დღეს არის მსჯავრდებული ე.წ. კაბელების საქმეზე და ბრალად ედებათ საქართველოს სისხლის სამართლის კოდექსის 182 მუხლით გათვალისწინებული დანაშაულის, გაფლანგვის ჩადენა, ისინი არიან დაპატიმრებული სრულიად უსაფუძვლოდ და თუ გავითვალისწინებთ კონტექსტს ამ საქმისა, ისინი არიან პოლიტიკური ნიშნით დაპატიმრებულნი.
სახალხო დამცველის დასკვნა უკვე გადაეგზავნა საკონსტიტუციო სასამართლოს, რომელიც ე.წ. კაბელების საქმეს განიხილავს.
,,სახალხო დამცველმა გამოიყენა მისთვის კანონით მინიჭებული სასამართლოს მეგობრის სტატუსი. მან შეისწავლა ‘’კაბელების საქმე’’ და მისი დასკვნა და პოზიიები ამსოლუტურ თანხვედრაშია ჩვენი ადვოკატების პოზიციენთან. სახალხო დამცველის დასკვნა კიდევ ერთხელ ცხადყოფს , რომ ეს საქმე თავიდან ბოლომდე პოლიტიზირებულია და სასამართლოს გადაწყვეტილება ეწინააღმდეგება კონსტიტუიასა და სისხლის სამართლის კოდექს.
სახალხო დამცველმა თავისი დასკვნა გაუგზავნა საკონსტიტუციო სასამართლოს
ჩვენც მივმართავთ საკონსტიტუციო სასამართლოს მოსამართლეებს და მოვუწოდებთ- ნუ მიიღებენ მონაწილეობას სხდომების ჩაშლასა და გაჭიანურებაში . იმოქმედონ მხოლოდ კონსტიტუციისა და კანონის შესაბამისად, დაიცვან კანონი და საკუთარი პროფესიული ღირსება!“, -განაცხადა ალექსი პეტრიაშვილმა.
