ევროპარლამენტის სოციალისტებისა და დემოკრატების ჯგუფის ვიცე-პრეზიდენტმა საერთაშორისო ურთიერთობების საკითხებში კნუტ ფლეკენშტეინმა დღეს „ქართული ოცნების“ ოფისში კახა კალაძესთან ერთად გამართულ ბრიფინგზე განაცხადა, რომ საქართველოში ორი მიზნით იმყოფება.
„ორი მიზნით ვიმყოფები საქართველოში. იმიტომ, რომ დიდი მოკითხვა გადავცე „ქართულ ოცნებას“ ჩვენი პოლიტიკური ჯგუფიდან და კიდევ ერთხელ შევთავაზო საარჩევნო კამპანიაში დახმარება, ვინაიდან „ქართულმა ოცნებამ“ ძალიან მნიშვნელოვანი სამუშაო გასწია ევროკავშირთან დაახლოების მიზნით. ჩვენ ვიმყოფებით ისეთ ქვეყანაში, სადაც არის მწყობრი და კარგად ჩამოყალიბებული საარჩევნო გარემო. ეს ყოველთვის ასე არ იყო“, - განაცხადა კნუტ ფლეკენშტეინმა.
მისივე თქმით, „შეიძლება ცალკეულ შემთხვევებში ხდება გარკვეული შეცდომები, მაგრამ არა იმ მასშტაბის, რომ ჩვენამდე, ბრიუსელში მოაღწიოს“.
