რაც გონიოში მოხდა, არის ძალიან დიიდი ტრაგედია და არ მგონია, რომ თავდაცვის ყოფილმა მინისტრმა ან რომელიმე პოლიტიკოსმა ეს თემა გამოიყენოს პოლიტიკური დაპირისპირებისთვის, - ამის შესახებ თავდაცვის ყოფილმა მინისტრმა, “რესპუბლიკური პარტიის“ ერთ-ერთმა ლიდერმა თინა ხიდაშელმა დღეს გამართულ პრესკონფერენციაზე განაცხადა.
მისი თქმით, ძალიან სამწუხაროა ის განცხადება, რომელიც გუშინ თავდაცვის მოქმედმა მინისტრმა გონიოსთან დაკავშირებით გააკეთა.
„თავდაცვის მინისტრმა თქვა, რომ მასობრივ დანაშაულთან გვქონდა საქმე. ეს არის წარმოუდგენელი განცხადება თავდაცვის მინისტრისგან. სწორედ ასეთი ტიპის განცხადებები ვნებს ჯარს, მის რეპუტაციას და მის სახელს. უნდა იყოს სისხლის სამართლის დანაშაული გამოვლენილი, გამოვიდეს თავდაცვის მინისტრი და გვითხრას, რა დანაშაული იყო ჩადენილი, ვის მიერ და ვინ არის დასჯილი ამისთვის ან არ იცის არაფერი და, შესაბამისად, ასეთი განცხადებები არ უნდა აკეთოს. არ შეიძლება, ანა-ბანაა, რომ ადამიანი, რომელიც დგას თავდაცვის უწყების სათავეში, საკუთარ სამხედროებზე ამბობდეს მასობრივი დანაშაული ჩაიდინესო, თან ისე, რომ ამისი არავითარი მტკიცებულება და დოკუმენტაცია არ წარმოადგინოს. აქ ძალიან კარგად ჩანს მისი დამოკიდებულება შეიარაღებული ძალების მიმართ. ძალიან ვწუხვარ იმ განცხადების გამო, რომელიც გუშინ გააკეთა თავდაცვის მინისტრმა”, - განაცხადა თინა ხიდაშელმა.
