გარემოს ეროვნული სააგენტოს კვლევის თანახმად, ბათუმში ატმოსფერულ ჰაერში მტვრისა და ნახშირჟანგის ერთჯერადი კონცენტრაცია დასაშვებ ნორმას 1.4- ჯერ აღემატება, აზოტის კი - 1.2-ჯერ. როგორც რადიო თავისუფლება აჭარის გარემოს დაცვის სამმართველოზე დაყრდნობით აცხადებს, სამმართველოში ამ მაჩვენებლებს ბათუმში ავტომობილების რიცხვის ზრდასა და ქალაქში მიმდინარე მშენებლობებს უკავშირებენ. ამ ფონზე ბათუმში ერთ მოსახლეზე, დადგენილ ნორმასთან შედარებით, 4-ჯერ ნაკლები მწვანე საფარი მოდის.
