საქართველოს პრეზიდენტი თურქეთში მომხდარ ტერაქტზე მწუხარებას გამოთქვამს. სპეციალურ განცხადებას გიორგი მარგველაშვილი ფეისბუკის საკუთარ გვერდზე აქვეყნებს.
„მწუხარებას გამოვთქვამ თურქეთში, ქალაქ გაზიანთეფში მომხდარი ტერაქტის გამო, რომელმაც რამდენიმე ათეული უდანაშაულო ადამიანის სიცოცხლე შეიწირა.
საქართველო მკაცრად გმობს ტერორიზმს. ქართველი ხალხი თანაუგრძნობს და დგას მეგობარი თურქი ერის გვერდით.
ვუსამძიმრებ დაღუპულთა ოჯახებსა და ახლობლებს,“ - წერს პრეზიდენტი.
