“საქაერონავიგაციასა” “AIRBUS”-ისგან ვერტმფრენს იყიდის. როგორც საქართველოს მთავრობის №1623 განკარგულებაშია აღნიშნული, საუბარია შვეულმფრენის „AS 350B3”-ის შეძენაზე, რომელსაც ქართული მხარე „AIRBUS HELICOPTERS S.A.S.“-სგან შეისყიდის.
„უცხოელი კონტრაჰენტების მონაწილეობით ხელშეკრულების გაფორმებასთან დაკავშირებულ ზოგიერთ ღონისძიებათა შესახებ“ საქართველოს მთავრობის 2010 წლის 11 მაისის №139 დადგენილების პირველი მუხლის „ა“ ქვეპუნქტის საფუძველზე, მოწონებულ იქნეს შვეულმფრენის „AS 350B3 (125.B3.16.100.01E)“ შესყიდვის თაობაზე, შპს „საქაერონავიგაციასა“ და ფრანგულ კომპანია „AIRBUS HELICOPTERS S.A.S.“-ს შორის გასაფორმებელი ხელშეკრულება”, აღნიშნულია მთავრობის განკარგულებაში.
"საქაერონავიგაცია" შვეულმფრენს საკუთარი მიზნებისთვის გამოიყენებს.
