აჭარის ფინანსთა და ეკონომიკის მინისტრმა რამაზ ბოლქვაძემ მალოპოლსკას რეგიონის ვიცე მარშალს ვოიცეხ კოზაკს უმასპინძლა. სამუშაო შეხვედრაზე საუბარი მხარეებს შორის სამომავლო თანამშრომლობის კიდევ უფრო გაღრმავებას შეეხო.
აჭარასა და მალოპოლსკას რეგიონებს შორის თანამშრომლობის მემორანდუმი გაფორმდება,რაც მხარეებს შორის სხვადასხვა მიმართულებით საქმიანობის გაგრძელებას შეუწყობს ხელს. გადაწყვეტილება მხარეებმა სამინისტროში ოფიციალურ შეხვედრაზე კიდევ ერთხელ გააჟღერეს.
პოლონურ მხარესთან ერთად რეგიონისთვის ერთ-ერთ უმნიშვნელოვანეს „აჭარის ეკონომიკური ობსერვატორიის“ პროექტს აჭარის ფინანსთა და ეკონომიკის სამინისტრო ახორციელებს. დელეგაცია აჭარას საპასუხო ვიზიტით ეწვია.
დელეგაციის შემადგენლობაში მალოპოლსკას რეგიონის ვიცე მარშალი ვოიცეხ კოზაკი, მალოპოლსკას რეგიონის საბჭოს წევრი ჟორჟ ლიპიეცი, მალოპოლსკას რეგიონული საბჭოს თავმჯდომარის მოადგილე კაზიმერჟ ბარჩუკი, მალოპოლსკას რეგიონის დეპუტატი ჟორჟ ბიდრონი და სხვა ოფიციალური პირები იმყოფებიან.
„აჭარის ეკონომიკური ობსერვატორიის“ პროექტი აჭარის დასაქმების ბაზრისა და ეკონომიკური პროგნოზირების ობსერვატორიის შექმნას ითვალისწინებს,რომლის ფარგლებში, ერთიანი საინვესტიციო სისტემა შექმნება, რომლის მიზანი სოციალურ-ეკონომიკური მონაცემების აგრეგაცია იქნება, რაც მნიშვნელოვანია, როგორც რეგიონის მართვის თვალსაზრისით, ისევე ცენტრალური თვითმართველობის დონეზე. პროექტი სხვა მნიშვნელოვან ელემენტებთან ერთად დასაქმების ბაზრისა და მეწარმეობის ხელშეწყობის სისტემის გენერალური გეგმის მომზადებას გულისხმობს.
მეწარმეობისა და შრომის ბაზრის მხარდაჭერა არის მნიშვნელოვანი აქტივობა, რამაც უნდა უზრუნველყოს აჭარის რეგიონისა და მისი საზოგადოების სწრაფი განვითარება. პროექტი მნიშვნელოვან წვლილს შეიტანს რეგიონის ეკონომიკურ განვითარებასა და ცხოვრების სტანდარტების ზრდაში.
